Бичлэг тандагч
Шар айргаар угаасан үс ч янзтай даа
Хавар, өвөл нойтон үстэй гарч болохгүй. Өвөл, хаврын улиралд үс хамгийн их арчилгаа шаарддаг. Тиймээс шампунь, будгандаа анхаарахаас гадна хамгийн гол нь нойтон үстэй гадагшаа гарахгүй байхыг хичээгээрэй. Салхи, шуургатай үед нойтон үстэй гарвал хугарч гэмтэх нь элбэг байдаг байна. Наад зах нь л гэхэд энэ улирлуудад мэргэжлийн үсчингээс долоо хоногт ядаж нэг удаа зөвлөгөө авахад гэмгүй. Харин зуны цагт бол борооны ус үсэнд сайнаар нөлөөлдөг. Зуны халуун наранд үсээ халаах нь бас л муу. Харин бороонд үсээ норгох буюу борооны усаар угаах нь маш сайн аж.
Yсээ угаахдаа
Yсний арчилгааны олон төрлийн бүтээгдэхүүн байдаг. Бүр шар айргаар массаж хийж угааж ч болно. Шар айраг нь үсийг зөөлрүүлж, хөвсийлгөдөг гэнэ шүү. Энэ үйлчилгээг хийлгэсэн тохиолдолд нэг хэсэгтээ л толгой хөнгөрч, үс нь сайхан болдог байна.
Ер нь Та үсээ яаж угаадаг вэ?
Yсийг мэдээж 2-5 минут массаж хийж хөөсрүүлж угаавал сайн. Мөн шүршүүрт орж байхдаа үснийхээ хөөсийг бие рүүгээ бүү урсгаарай. Энэ нь арьсыг хуурайшуулж, загатнуулах зэрэг муу талтай. Yүнээс хойш усанд орохдоо үсээ тусад нь угаагаарай.
